ចូរជ្រើសរើសសណ្ឋាគារនិងអាជីវកម្មណា
ដែលអនុវត្តស្តង់ដារការពារកុមារ
ហេតុអ្វីបានជាចំណុចនេះមានសារៈសំខាន់?
កុមារដែលរស់នៅតំបន់ទេសចរណ៍ ពិតជាងាយរងគ្រោះដោយការរំលោភបំពានផ្នែកផ្លូវកាយ ផ្លូវចិត្ត និងផ្លូវភេទ។ ឧស្សាហកម្មទេសចរណ៍មានអំណាច និងសក្ដានុពលយ៉ាងខ្លាំងក្នុងការជួយផ្ដល់នូវសុវត្ថិភាពកាន់តែប្រសើរសម្រាប់កុមារ។
ដូច្នេះ តើខ្ញុំអាចធ្វើអ្វីខ្លះផ្សេងពីនេះ?
រាល់ប្រាក់មួយដូល្លារៗដែលអ្នកចាយជះឥទ្ធិពលដល់ពិភពលោកដែលនៅជុំវិញខ្លួនអ្នក ដូច្នេះ ចូរប្រើប្រាស់អំណាចជាអតិថិជនរបស់អ្នកប្រកបដោយភាពឈ្លាសវៃ។ ចូរគាំទ្រអាជីវកម្មទាំងឡាយណាដែលធ្វើសកម្មភាពជាវិជ្ជមានដើម្បីការពារសិទ្ធិកុមារ និងគាំទ្រសហគមន៍ម្ចាស់ស្រុកក្នុងការកសាងនូវអនាគតប្រកបដោយនិរន្តរភាព។ ចូរជ្រើសរើសសណ្ឋាគារ និងអាជីវកម្មដែលអនុវត្តស្តង់ដារការពារកុមារ និងលើកទឹកចិត្តអាជីវកម្មដទៃទៀតឲ្យធ្វើដូចគ្នានេះដែរ។ បើអ្នកឃើញកុមារត្រូវបានកេងប្រវ័ញ្ចនៅក្នុងអាជីវកម្ម ឬសេវាកម្មដែលអ្នកកំពុងប្រើប្រាស់ ចូរនិយាយប្រាប់ពួកគេពីភាពមិនពេញចិត្តរបស់អ្នក និងទៅរកសេវាកម្មពីអាជីវកម្មនៅកន្លែងផ្សេងទៀត។ ឧស្សាហកម្មទេសចរណ៍ បំពេញបំណងតាមតម្រូវការរបស់អ្នក។