ເດັກອາໄສຜູ້ໃຫຍ່ເພື່ອໃຫ້ເຂົາເຈົ້າປອດໄພຈາກການກະທຳແບບທາລຸນ. ບໍ່ສຳຄັນວ່າພວກເຮົາຈະ ຢູ່ແຫ່ງຫົນໃດ, ພວກເຮົາມີຄວາມຮັບຜິດຊອບຕິດຕົວພວກເຮົາຢູ່. ໃນຖານະນັກເດີນທາງພວກເຮົາອາດ ສາມາດຊ່ວຍເຫຼືອ ຫຼື ເຮັດໃຫ້ຊຸມຊົນທີ່ພວກເຮົາໄປທ່ອງທ່ຽວປອດໄພ. ຈົ່ງເປັນນັກເດີນທາງທີ່ປອດໄພ ຕໍ່ເດັກນ້ອຍ.
ເດັກນ້ອຍອາໄສຜູ້ໃຫຍ່ເພື່ອເຮັດໃຫ້ເຂົາເຈົ້າປອດໄພຈາກການປະຕິບັດຕົນທີ່ບໍ່ຖືກຕ້ອງຂອງນັກທ່ອງ
ທ່ຽວ. ບໍ່ສຳຄັນວ່າພວກເຮົາຈະຢູ່ແຫ່ງຫົນໃດໃນໂລກ ພວກເຮົາທຸກຄົນມີຄວາມຮັບຜິດຊອບຕໍ່ເດັກ
ທັງໝົດ ເພື່ອຮັບປະກັນວ່າພວກເຂົາປອດໄພຈາກການປະຕິບັດຕົນທີ່ບໍ່ຖືກຕ້ອງທາງຮ່າງກາຍ, ອາລົມ
ຈິດ ແລະ ທາງເພດ.
ເດັກນ້ອຍທີ່ອາໄສ ແລະ ເຮັດວຽກຕາມຖະໜົນຫົນທາງ ໂດຍສະເພາະແລ້ວແມ່ນເດັກທີ່ໄດ້ຮັບຜົນ
ກະທົບຈາກການທາລຸນທາງຮ່າງກາຍ, ອາລົມຈິດ ແລະ ທາງເພດ. ບາງຄັ້ງຄາວ ເດັກເຫຼົ່ານີ້ຖືກຜູ້
ໃຫຍ່ບັງຄັບໃຫ້ຂໍທານ ຫຼື ເຮັດວຽກຕາມຖະໜົນຫົນທາງ ແລະ ຂະນະດຽວກັນຄວາມຕັ້ງໃຈຂອງພວກ
ເຮົາອາດຈະດີ ທີ່ຈະໃຫ້ເງິນແກ່ເດັກໂດຍກົງ ເຊິ່ງນັ້ນຄືຈະເຮັດໃຫ້ບັນຫາດັ່ງກ່າວບໍ່ຈົບສິ້ນເພາະຈະ
ເຮັດໃຫ້ເດັກຢູ່ຕາມຖະໜົນຫົນທາງ ແລະ ເຮັດໃຫ້ພວກເຂົາໄດ້ຮັບຜົນກະທົບຈາກການທາລຸນດັ່ງ
ກ່າວຢ່າງງ່າຍດາຍ.
ເດັກທີ່ຢູ່ຕາມແຫຼ່ງທ່ອງທ່ຽວຕ່າງໆໂດຍສະເພາະແລ້ວແມ່ນຜູ້ທີ່ອາດຈະໄດ້ຮັບຜົນກະທົບຕໍ່ການທາລຸນ ທາງຮ່າງກາຍ, ອາລົມຈິດ ແລະ ທາງເພດ. ອຸດສາຫະກຳທ່ອງທ່ຽວມີພະລັງອັນມະຫາສານ ແລະ ເປັນ ໄປໄດ້ທີ່ຈະເຮັດໃຫ້ການທ່ອງທ່ຽວນັ້ນປອດໄພກວ່າເກົ່າສຳລັບເດັກ.
.
ໃນຂະນະທີ່ພວກເຮົາອາດຮູ້ສຶກວ່າ ການຕິດຕໍ່ພົວພັນກັບເດັກຊົນນະບົດ ແມ່ນປະສົບການພິເສດ, ແຕ່ໃນຄວາມເປັນຈິງແລ້ວ ມັນອາດເປັນໄພອັນຕະລາຍຕໍ່ພວກເຂົາ. ການຕິດຕໍ່ກັບເດັກນັ້ນສອນໃຫ້ ພວກເຂົາຄົບຄ້າສະມາຄົມກັບຄົນແປກໜ້າ ຜູ້ທີ່ສ່ວນໃຫຍ່ແລ້ວບໍ່ມີເຈດຕະນາດີຢູ່ໃນໃຈຕະຫຼອດ ເວລາ.
ປະຕິບັດຕໍ່ກັບເດັກ ແລະ ພໍ່ແມ່ຂອງເຂົາເຈົ້າດ້ວຍຄວາມນັບຖື - ຄືກັນກັບທີ່ທ່ານປະຕິບັດຢູ່ເຮືອນ. ຂໍອະນຸຍາດທຸກຄັ້ງຈາກເດັກ ແລະ ພໍ່ແມ່ຂອງເຂົາເຈົ້າ ຫຼື ຜູ້ປົກຄອງກ່ອນຈະຖ່າຍຮູບ.
ການມີກິດຈະກຳທາງເພດກັບເດັກນ້ອຍແມ່ນຜິດກົດໝາຍ. ຕາມສົນທິສັນຍາສາກົນແລ້ວເດັກນອ້ຍແມ່ນ ຜູ້ທີ່ມີອາຍຸຕ່ຳກວ່າ 18 ປີ.
ຫຼາຍຄົນຮັບຮູ້ການຂູດຮີດເດັກ ແຕ່ສ່ວນຫຼາຍແລ້ວເບິ່ງຄືວ່າ ບໍ່ມີການຊວ່ຍເຫຼືອຫຍັງເລີຍເພື່ອ ທີ່ຈະປ່ຽນແປງສິ່ງດັ່ງກ່າວນັ້ນ. ເຖິງຢ່າງໃດກໍ່ດີການເຄື່ອນໄຫວນ້ອຍໆຂອງພວກເຮົາສາມາດເຮັດໃຫ້ມີ ການປ່ຽນແປງທີ່ໃຫຍ່ຫຼວງໄດ້.