ບົດລາຍງານນີ້ສະເຫນີຜົນໄດ້ຮັບຂອງການສຶກສາທີ່ໄດ້ເກັບກໍາຢູ່ໃນບາງກອກ ປະເທດໄທໃນໄລຍະເດືອນເມສາ – ພຶດສະພາ 2013 ການຄົ້ນຄວ້າໄດ້ສຶກສາລົງເລິກຕໍ່ຈາກບົດຄົ້ນຄ້ວາທີ່ຜ່ານມາເລື່ອງ“ການທ່ອງທ່ຽວທີ່ປອດໄພສຳລັບເດັກ: ມູມມອງຂອງນັກທ່ອງທ່ຽວ” ບົດຄົ້ນຄວ້ານີ້ແມ່ນໄດ້ຮວບຮວມຜົນຂອງການລົງເລີກໄປທີ່ຄວາມຄິດເຫັນຂອງນັກທ່ອງທ່ຽວ ກ່ຽວກັບເລື່ອງການຂູດຮີດເດັກທີ່ເຊື່ອມໂຍງກັບການທ່ອງທ່ຽວ ໃນປະເທດກໍາປູເຈຍ. ສປປ ລາວ, ໄທ ແລະ ຫວຽດນາມ ໂດຍຮວບຮວມຄວາມຄິດເຫັນຂອງນັກທ່ອງທ່ຽວໃນເລື່ອງການທ່ອງທ່ຽວທີ່ປອດໄພສຳລັບເດັກ ຈາກນັກທ່ອງທ່ຽວທັງຫມົດ 268 ຄົນທີ່ມາຈາກ 39 ປະເທດໄດ້ສໍາຫຼວດ ແລະສໍາພາດໃນຄັ້ງນີ້. ຈາກບົດຄົ້ນຄວ້ານີ້ເຫັນໄດ້ວ່ານັກທ່ອງທ່ຽວໃນອາຊີຕາເວັນອອກສຽງໃຕ້ຕ້ອງການ ສິ່ງຕໍ່ໄປນີ້ຄື: 1. ຂໍ້ມູນທີ່ຊັດເຈນກ່ຽວກັບວິທີການເປັນນັກເດີນທາງທີ່ປອດໄພສໍາລັບເດັກ. 2. ຫຼາຍທາງເລືອກສຳລັບລູກຄ້າ ທີ່ກ່ຽວຂ້ອງກັບການທ່ອງທ່ຽວປອດໄພສໍາລັບ. 3. ການທີ່ຈະຮວມເປັນສ່ວນໜຶ່ງຂອງການປ່ຽນແປງ ດໍາເນີນການໂດຍລັດຖະບານ ແລະພາກອຸດສາຫະກໍາການທ່ອງທ່ຽວ. ກະລຸນາອ່ານການລາຍງານ ສະບັບເຕັມ ແລະ ເບິ່ງຂໍ້ມູນຮູບພາບຂອງການຄົ້ນພົບທີ່ສໍາຄັນ.
lo
ບໍ່ວ່າຈະເປັນລາຍບຸກຄົນ, ທຸລະກິດຂະຫນາດນ້ອຍ ຫຼື ບໍລິສັດຂະຫນາດໃຫຍ່, ຄໍາແນະນໍາດັ່ງຕໍ່ໄປນີ້ແມ່ນວິທີການທີ່ເປັນປະໂຫຍດທີ່ທ່ານສາມາດນຳໃຊ້ ເພື່ອເຮັດໃຫ້ການທ່ອງທ່ຽວປອດໄພຂຶ້ນສຳລັບເດັກກຸ່ມສ່ຽງ.ຮຽນຮູ້ສິ່ງທີ່ທ່ານສາມາດເຮັດໄດ້.
lo
ນະໂຍບາຍທີ່ຂຽນຂຶ້ນມານັ້ນຈະແຈ້ງ ຊຶ່ງບໍລິສັດຂອງທ່ານຈະບໍ່ຍອມໃຫ້ເກີດມີການທາລຸນ ແລະ ຂູດ ຮີດເດັກ. ມັນໜ້າຈະງ່າຍດາຍ, ຈິງຈັງ ແລະ ໄດ້ຮັບຜົນ ພ້ອມກັບຂັ້ນຕອນທີ່ຈະແຈ້ງເພື່ອປ້ອງກັນ ແລະ ຮັບມືກັບການທາລຸນເດັກ. ສິ່ງສຳຄັນທີ່ສຸດກໍຄືວ່າ: ນະໂຍບາຍຂອງທ່ານບໍ່ຄວນ ເປັນພຽງ ແຕ່ ຄຳເວົ້າທີ່ຢູ່ໃນເຈ້ຍເທົ່ານັ້ນແຕ່ວ່ານະໂຍບາຍເຫຼົ່ານັ້ນຕ້ອງໄດ້ຮັບການປະຕິບັດຢ່າງເອົາຈິງເອົາຈັງໂດຍ ຜູ້ຈັດການ ແລະ ພະນັກງານຂອງບໍລິສັດ. ກະລຸນາເບິ່ງຕົວຢ່າງຂອງນະໂຍບາຍການປົກປ້ອງເດັກ.
lo
ການເປັນຫົວໜ່ວຍທຸລະກິດທີ່ປອດໄພຕໍ່ເດັກນັ້ນ ບໍ່ພຽງແຕ່ເປັນປະໂຫຍດແກ່ເດັກທີ່ທ່ານກຳລັງຊ່ວຍ ເຫຼືອປົກປ້ອງ ແຕ່ຍັງສາມາດເຮັດໃຫ້ທ່ານສ້າງຫົວໜ່ວຍທຸລະກິດທີ່ດີກວ່າເກົ່າ. ຈົ່ງຕື່ມການທົດສອບ ຕໍ່ໄປນີ້ ເພື່ອວັດແທກເບິ່ງວ່າ ທຸລະກິດຂອງທ່ານດຳເນີນການປົກປ້ອງເດັກຈາກການທາລຸນ ແລະ ການໃຊ້ແຮງງານເດັກໃນອຸດສະຫະກຳການທ່ອງທ່ຽວ. ຈົ່ງທົດສອບ.
lo
ການທ່ອງທ່ຽວແບບສະໝັກໃຈ ໄດ້ໃຫ້ໂອກາດແກ່ນັກເດີນທາງທ່ອງທ່ຽວໄດ້ມີປະສົບການທີ່ເປັນເອກະ ລັກ ແລະ ຄຸ້ມຄ່າ, ແຕ່ການສ້າງຜົນປະໂຫຍດໃຫ້ແກ່ຊຸມຊົນອາດຈະເປັນຜົນກະທົບແບບຖາວອນ. ແຕ່ເຖິງຢ່າງໃດກໍ່ຕາມ ໃນຂະນະທີ່ການທ່ອງທ່ຽວແບບສະໝັກໃຈຊຶ່ງແມ່ນເຈດຕະນາທີ່ດີ ປາສະຈາກ ການວາງແຜນທີ່ເໝາະສົມ ການຄຸ້ມຄອງ ແລະ ການກວດກາແລ້ວຜົນກະທົບດັ່ງກ່າວອາດເປັນໄພຕໍ່ ຊຸມຊົນ. ເພື່ອຮັບປະກັນຄວາມອາດສາມາດດ້ານບວກທີ່ບົ່ມຊ້ອນຂອງຂະແໜງການນີ້ ອົງການທ່ອງທ່ຽວນິເທດ ສາກົນ, ມູນນິທິເພລເນັດເຕີຣາ ແລະ ຄະນະທີ່ປຶກສາລະຫວ່າງຊາດ ໄດ້ຮ່ວມມືກັນພັດທະນາແຜນນະ ໂຍບາຍດ້ານການທ່ອງທ່ຽວແບບສະໝັກໃຈ. ແນວທາງເຫຼົ່ານີ້ ໄດ້ສັງລວມເອົາການດຳເນີນງານທີ່ດີທີ່ ສຸດ ຊຶ່ງລວມມີ ການທີ່ຈະປົກປ້ອງ ແລະ ສົ່ງເສີມສະຫວັດດີການຂອງເດັກຄືແນວໃດ. ກະລຸນາອ່ານ ນະໂຍບາຍ.
lo
ການສຳມະນາກ່ຽວກັບ “ການເຮັດໃຫ້ເດັກນ້ອຍປອດໄພຈາກການຖືກປະຕິບັດຕົນໃນທາງທີ່ບໍ່ຖືກຕ້ອງ ໃນອຸດສະຫະກຳການທ່ອງທ່ຽວ” ແມ່ນການຝຶກອົບຮົມທີ່ມີການປຶກສາຫາລືທີ່ດຳເນີນໄປໜຶ່ງວັນ ສຳລັບພະນັກງານ ແລະ ຜູ້ບໍລິຫານ ຫຼື ເຈົ້າຂອງຫົວໜ່ວຍທຸລະກິດໃນພາກການທ່ອງທ່ຽວ. ການຝຶກອົບຮົມດັ່ງກ່າວໃຫ້ຄວາມຮູ້ໃໝ່ໆແກ່ນັກສຳມະນາກອນໃນເລື່ອງການທາລຸນເດັກໃນຂະແໜງການທ່ອງທ່ຽວ ແລະ ແບ່ງປັນທັກສະຕົວຈິງເພື່ອສ້າງແວດລ້ອມການທ່ອງທ່ຽວທີ່ເຮັດໃຫ້ເດັກປອດໄພ. ພາຍຫຼັງທີ່ເຂົ້າຮ່ວມການຝຶກອົບຮົມ ນັກສຳມະນາກອນ ຈະເຂົ້າໃຈການເຊື່ອມຕໍ່ລະຫວ່າງການທ່ອງທ່ຽວ ແລະ ການຫາຜົນປະໂຫຍດຈາກເດັກນ້ອຍ(ການໃຊ້ແຮງງານເດັກນ້ອຍ). ພ້ອມກັນນັ້ນ ນັກສຳມະນາກອນຈະຮັບຮູ້ຂັ້ນຕອນທີ່ງ່າຍດາຍໃນການປ້ອງກັນເດັກຈາກການທາລຸນ. ການຝຶກອົບຮົມຈະດຳເນີນໄປເປັນພາສາປະຈຳຊາດ (ພາສາຂະແມ, ລາວ, ໄທ ແລະ ຫວຽດນາມ) ໂດຍຜູ້ຊ່ຽວຊານລະດັບຊາດ. ກະລຸນາເບິ່ງວາລະການປະຊຸມຕົວຢ່າງ.
lo
ການທ່ອງທ່ຽວທີ່ປອດໄພຕໍ່ເດັກ: ທັດສະນະຂອງນັກທ່ອງທ່ຽວ ຜູ້ເຂົ້າຮ່ວມການສຳຫຼວດທີ່ສະໝັກໃຈຫຼາຍກວ່າ 300 ຄົນ ເປັນຕົວແທນໃຫ້ແກ່ 37 ປະເທດໄດ້ ແບ່ງປັນປະສົບການຂອງການຕິດຕໍ່ພົວພັນກັບເດັກຢູ່ໃນ ກຳປູເຈຍ, ໄທ, ລາວ ແລະ ຫວຽດນາມ ແລະ ຄວາມເຂົ້າໃຈຂອງເຂົາເຈົ້າຕໍ່ກັບການທ່ອງທ່ຽວທີ່ປອດໄພຕໍ່ເດັກ. 84.8 ເປີເຊັນຂອງຜູ້ທີ່ ເຂົ້າຮ່ວມການສຳຫຼວດກ່າວວ່າພວກເຂົາຢາກຮູ້ຕື່ມກ່ຽວກັບວ່າຈະປົກປ້ອງເດັກນ້ອຍ ແລະ ປ້ອງກັນ ການຫາຜົນປະໂຫຍດຈາກເດັກຄືແນວໃດໃນຂະນະທີ່ເດີນທາງທ່ອງທ່ຽວ ແລະ ອີກ 94.8 ເປີເຊັນ ຂອງຜູ້ເຂົ້າຮ່ວມເວົ້າວ່າ: ນະໂຍບາຍຂອງຫົວໜ່ວຍທຸລະກິດເພື່ອປົກປ້ອງເດັກນ້ອຍນັ້ນຈະສົ່ງຜົນ ສະທ້ອນໃນທາງບວກຕໍ່ນິໄສໃນການຊື້ຂອງເຂົາເອງ. ອ່ານບົດລາຍງານທັງໝົດ ແລະ ບົດສັງ ລວມຫຍໍ້.
lo
Regional Materials ກໍາປູເຈຍ ສປປ ລາວ ໄທ ຫວຽດນາມ
lo
